The Claire Hastings Band - The Trooper and the Maid

A trooper lad cam’ here last nicht

Wi’ ridin’ he was weary

A trooper lad cam’ here last nicht

When the moon shone bricht and clearly.

Chorus

Bonnie lassie I’ll lie near ye noo

Bonnie lassie I’ll lie near ye

An I’ll gar a' yer ribbons reel

Or the morning ere I leave ye.

She’s ta’en his heich horse by the heid

An’ she’s led him tae the stable

She’s gi’en him corn an’ hay till ate

As muckle as he was able.

She’s ta’en the trooper by the han’

An’ she’s led him tae her chamber

She’s gi’en him breid an’ wine tae drink

An’ the wine it was like amber.  R.

She’s made her bed baith lang an’ wide

An’ she’s made it like a lady

She’s ta’en her coatie ower her heid

Says ‘Trooper are ye ready?’.

He’s ta’en aff his big top coat

Likewise his hat an’ feather

He’s ta’en his broadsword fae his side

An’ noo he’s doon aside her. R.

They hadna’ been but an oor in bed

An oor an half a quarter

When the drums cam’ beatin up the toon

An’ ilka beat was faster

It’s ‘Up, up’ an oor curnel cries

It’s ‘Up, up an’ awa’ then’

It’s ‘Up, up’ oor curnel cries

For the morn it is oor battle day! R.

She’s tae’en her cloakie ower her heid

An’ she’s followed him doon tae Stirlin’

She’s grown sae fu’ an’ she couldna boo

An’ they left her in Dunfermline

‘Bonnie lassie I maun leave ye noo

Bonnie lassie I maun leave ye

An’ oh but it does grieve me sair

That ever I lay sae near ye' R.

It’s ‘when will ye come back again

My ain dear trooper laddie

When will ye come back again

An be your bairnie’s daddy?’

‘O haud your tongue my bonnie lass

Ne’er let this partin grieve ye

When heather cowes grow ousen bows

Bonnie lass I’ll come an’ see ye’  R.

Cheese an’ breid for carles an’ dames,

Corn an’ hay for horses

Cups o’ tea for auld maids

Bonnie lads for bonnie lassies.

      A beleza do “Scottish accent”.